Fyrir farþega sem ætla í gönguferð sem endar í Þórsmörk er boðið upp á tösku sendingar í Húsadal, Langadal eða Bása. Bílstjórinn sem fer í Þórsmörk tekur við pakkanum þínum á Hvolsvelli og kemur honum á áfangastað.

• Allar töskur þurfa að vera skilmerkilega merktar með merkingum sem eru í A4 stærð á töskur eða sambærilegt.
• Gott er að merkja með tveimur mismunandi merkingum ef að önnur dettur af.

• Allar töskur þurfa að vera komnar fyrir kl 08:45, í húsnæði Southcoast Adventure. Ormsvelli 23, Hvolsvelli.
• Það er á ábyrgð eiganda töskunnar að koma töskunni á réttum tíma, á réttan stað og með réttum merkingum. Ef það er ekki gert ábyrgjumst við ekki að koma töskunni á áfanga stað.

Í bókunarvél er hægt að velja hvert skal keyra töskunum.

• Húsadalur: Töskunum er skutlað í móttökuna inní Húsadal eða inní kalda eldhúsið.
• Langidalur: Töskunum er skutlað fyrir utan salernishúsið, þar sem smá pallur sem snýr að bílastæðum og með skyggni.
• Básar: Töskunum er skutlað í afgreiðslu skálavarðar.

Rukkað er eftir fjölda taska sem á við.
Dæmi: 5 manns eiga tvær töskur, þá er rukkað 1.500 kr. x 2.