Ferðir í Þórsmörk

Ferðir í Þórsmörk

Ferðalagið í Þórsmörk er ævintýri líkast!

Til að komast í og úr Þórsmörk þarf að fara yfir margar óbrúaðar ár. Húsadalur er staðsettur í Þórsmörk handan Krossár og öruggast er að leggja bílnum og taka hálendisrútuna upp veg númer F249. Daglegar rútuferðir eru í og úr Þórsmörk yfir sumarið en einnig er boðið upp á ferðir yfir veturinn. Hægt er að fá leigðar fjallarútur og sérútbúna fjallajeppa. Bókaðu hér á vefsíðunni og fáðu besta verðið!

Hvernig kemst ég í Þórsmörk
Hvernig kemst ég í Þórsmörk
Plus icon to open answer to question
Kemst ég á bíl í Þórsmörk?

Til að komast í Þórsmörk þarf að aka yfir fjölmargar ár á leiðinni upp Þórsmerkurveg nr. F249. Flestar árnar eru litlar og hægt er að aka á fjórhjóladrifsbílum hluta leiðarinnar við góðar aðstæður. Eftir því sem lengra er farið verða árnar vatnsmeiri og geta reynst mikill farartálmi fyrir venjulega jeppa. Krossá ætti enginn að reyna að aka yfir nema á breyttum fjallajeppum og vönum ökumönnum. Einfaldast og öruggast er að taka rútuna sem ekur daglega í og úr Þórsmörk. Hér er hægt að bóka miða í rútuna í Þórsmörk.

Plus icon to open answer to question
Hvar legg ég bílnum og tek rútuna?

Hægt er að leggja bílnum á bílastæðinu við Seljalandsfoss og tjaldst-æðið við Hamragarða. Þaðan er hægt að taka rútuna sem kemur þér á öruggan hátt í Þórsmörk. Fyrir þá sem eru á jeppum er hægt að aka alla leið að Krossá og taka rútuna þaðan yfir í Húsadal. Til að taka rútuna frá Krossá þarf allur farangur að vera tilbúinn og farþegar þurfa að veifa bílstjóra rútunnar til að láta vita af sér.

Plus icon to open answer to question
Er hægt að ganga yfir í Húsadal?

Göngubrýr yfir Krossá eru staðsettar við vaðið yfir í Húsadal og einnig ofar í dalnum milli Bása og Langadals. Brúin yfir vaðið í Húsadal er staðsett við Þórsmerkurveg um 24 km frá Seljalandsfossi. Gangan frá brúnni í Húsadal er um 3km og tekur um 40 mín á flatlendi. Brúin yfir Krossá á milli Bása og Langadals er staðsett 6 kílómetrum ofar í dalnum og hentar vel þeim sem þurfa að komast á milli Húsadals/Langadals og Bása. Gangan frá brúnni við Bása í Húsadal er um 6 km og tekur um 75 mín.

Brýrnar eru færanlegar og eru færðar eftir því sem árnar breyta sér. Þegar mikið vatn er í ánum getur þurft að vaða vatn sem flæðir framhjá brúnum en það er þó yfirleitt ekki djúpt. Í miklum leysingum getur þurft að fjarlægja brýrnar og þá er einungis hægt að komast yfir með rútunni. EKKI ER RÁÐLAEGT AÐ VAÐA YFIR KROSSÁ!

Ráðfærið ykkur við skálaverði í Húsadal, Langadal eða Básum áður en lagt er af stað til að staðfesta staðsetningu brúnna.

Plus icon to open answer to question
Get ég leigt bíl sem kemst í Þórsmörk?

Í samstarfi við bílaleiguna ÍSAK bjóðum er hægt að leigja Land Rover Defender bíla sem komast alla leið í Þórsmörk. Skoðaðu möguleikana og fáðu tilboð með því að smella á þennan tengil.

Plus icon to open answer to question
VARÚÐ EKKI REYNA AÐ AKA YFIR KROSSÁ!

Ekki reyna að aka yfir Krossá nema að hafa mikla reynslu af því að aka yfir ár og eruð á breyttum fjallabíl. Áin getur verið varasöm allan ársins hring. Hringið í skálavörð og fáið aðstoð við að komast yfir eða takið rútuna.

Plus icon to open answer to question
Vetrarferðir í Þórsmörk

Á veturna er einungis fært í Þórsmörk með sérútbúnum fjallajeppum. Boðið er upp á ferðir frá Seljalandsfossi nokkra daga vikunnar allan veturinn og hægt er að bóka ferðir fyrir hópa. Hér er hægt að bóka ferðir í Þórsmörk á veturna.

Hafið samband og við gerum tilboð í ferðir fyrir hópa allan ársins hring.

Plus icon to open answer to question
Ganga Laugaveginn Landmannalaugar í Þórsmörk

Húsadalur er staðsettur í Þórsmörk við enda Laugavegarins. Leiðin frá Landmannalaugum er um 55 km og flestir ganga hana á fjórum dögum. Gistiskálar eru staðsettir í Hrafntinnuskeri, Álftavatni, Emstrum og Þórsmörk. Tilvalið er að bæta við einum eða tveimur dögum til að ganga í Þórsmörk eða fara yfir Fimmvörðuháls í framhaldi af Laugaveginum.

Plus icon to open answer to question
Ganga Fimmvörðuháls frá Skógum í Þórsmörk

Gönguleiðin yfir Fimmvörðuháls í Húsadal er um 30 km löng. Leiðin er krefjandi með bröttum köflum og tekur á bilinu 8 - 12 tíma að ganga. Veður getur verið varasamt á Fimmvörðuhálsi með miklum vindi, úrkomu og slæmu skyggni. Skoðið veðurspá og ráðfærið ykkur við skálaverði áður en lagt er af stað.

Plus icon to open answer to question
Ganga milli Húsadals og Bása

Leiðin milli Húsadals og Bása er um 6 km og tekur um 75 mínútur. Leiðin liggur í gegnum Húsadalinn yfir í Langadal og þaðan eftir Krossáraurunum og yfir Krossá á tveimur göngubrúm sem komið er fyrir á sumrin.

Plus icon to open answer to question
Ganga milli Húsadals og Langadals

Stysta leið milli Húsadals og Langadals er um 1,7 km og tekur um 25 mínútur að ganga. Leiðin liggur eftir vel merktri slóð og er auðveld yfirferðar. Einnig er hægt að ganga milli Húsadals og Langadals yfir fellið Valahnúk eftir vel merktri gönguleið. Leiðin yfir Valahnúk tekur um 1 klst, er brött á köflum og gefur afar gott útsýni yfir alla Þórsmörk.

Húsadalur Staðsetning