Fjölskylduævintýri í Þórsmörk

Sendu okkur línu

Sumarævintýri fyrir alla fjölskylduna í Þórsmörk

Þórsmörk er einn fallegasti staður Íslands og fullkominn áfangastaður fyrir fjölskyldur sem vilja komast aðeins út í náttúruna. Hér í Húsadal bíða ævintýri við hvert fótmál, stuttar og langar gönguleiðir, skógarstígar, hellar og álfaslóðir, göngubrýr yfir jökulár og útsýni yfir jökla og fjöll.

Í Húsadal bjóðum við upp á fjölbreytta gistingu, góðan mat og afslappað andrúmsloft þar sem börn og fullorðnir geta notið náttúrunnar saman.

Ævintýri í öruggri náttúru

Náttúrulegur leikvöllur og kennslustofa

Dvölin í Þórsmörk er ævintýri út af fyrir sig. Þegar komið er í Mörkina tekur við einstök náttúruupplifun þar sem fjölskyldur geta notið fallegra gönguleiða, skemmtilegra gistimöguleika og afslappaðs andrúmslofts í hjarta náttúrunnar.

Börnin fá að leika sér frjáls í öruggu umhverfi, skoða skóginn og prófa sig áfram í stuttum gönguferðum, á meðan foreldrar njóta samverunnar. Á kvöldin skapast sannkölluð útilegustemning með varðeldi þar sem grillaðir eru sykurpúðar, og fyrir þá sem vilja slaka enn betur á er hægt að fara í gufu og skella sér í litla vaðlaug eftir dag fullan af ævintýrum.

Göngur sem henta öllum

Styttri og lengri gönguferðir sem henta allri fjölskyldunni

Í Þórsmörk eru fjölmargar stuttar og skemmtilegar gönguleiðir sem henta vel fyrir fjölskyldur, til dæmis:

Valahnúkur
Sönghellir
Húsadalsskógur
Langidalur
Þórsgata fyrir þá sem vilja meira krefjandi göngur

Fjölbreytt gisting fyrir þína fjölskyldu

Í Húsadal getur þú valið gistingu sem hentar þinni fjölskyldu

Í Húsadal í Þórsmörk eru fjölbreyttir gistimöguleikar sem henta mismunandi fjölskyldum og ferðamáta.

Hægt er að velja uppábúin lúxustjöld og notaleg herbergi fyrir þá sem vilja meiri þægindi, smáhýsi með kojum sem eru sérstaklega vinsæl hjá börnum og unglingum, eða tjaldstæði í fallegu umhverfi fyrir fjölskyldur sem vilja upplifa útilegu í náttúrunni.

Margir velja líka að blanda saman gistimöguleikum, til dæmis gista foreldrar í herbergi eða lúxustjaldi á meðan krakkarnir sofa í smáhýsi eða tjaldi. Þannig fá allir sína upplifun: þægindi fyrir foreldrana og ævintýri fyrir krakkana.

Gisting í Þórsmörk

Hér getur þú valið og bókað gistingu í Húsadal Þórsmörk sem hentar þér og þinni fjölskyldu.

Skoða gistingu

Veitingar

Hér finnur þú upplýsingar um veitingar sem boðið er uppá í Húsadal í Þórsmörk

Skoða veitingar

Er Þórsmörk góður staður fyrir fjölskyldur með börn?

Já, Húsadalur í. Þórsmörk er frábær áfangastaður fyrir fjölskyldur. Svæðið býður upp á fjölbreyttar gönguleiðir, fallega náttúru og öruggt umhverfi þar sem börn geta notið útiveru, skoðað skóginn og upplifað ævintýri í náttúrunni.

Hvað er hægt að gera í Þórsmörk með börnum?

Fjölskyldur geta farið í stuttar gönguferðir, skoðað skóginn, gengið á útsýnisstaði eins og Valahnúk, leikið sér við ár og læki eða einfaldlega notið náttúrunnar. Á kvöldin er oft notaleg stemning við varðeld þar sem grillaðir eru sykurpúðar.

Hvernig kemst maður í Þórsmörk?

Auðveldasta leiðin er með hálendisrútu sem gengur daglega frá Reykjavík, Hvolsvelli og Seljalandsfossi yfir sumarið. Leiðin liggur yfir jökulár og er ferðin sjálf hluti af upplifuninni. Einnig er hægt að komast hingað á fjallajeppum en fara þarf yfir nokkrar ár á leiðinni.

Hversu langar eru gönguleiðirnar í Þórsmörk?

Í Þórsmörk eru bæði stuttar og lengri gönguleiðir. Margar leiðir henta vel fyrir fjölskyldur, til dæmis göngur að Valahnúk eða um skóginn í Húsadal. Einnig geta reyndari göngumenn farið lengri leiðir eins og Laugaveginn eða Fimmvörðuháls.

Hvar geta fjölskyldur gist í Þórsmörk?

Í Húsadal í Þórsmörk eru fjölbreyttir gistimöguleikar fyrir fjölskyldur, þar á meðal herbergi, uppábúin lúxustjöld, smáhýsi með kojum og tjaldstæði.

Er hægt að tjalda í Þórsmörk?

Já, í Þórsmörk er gott tjaldstæði með þjónustuaðstöðu. Það er vinsæll kostur fyrir fjölskyldur sem vilja upplifa útilegu í einu fallegasta náttúrusvæði Íslands. Mamma og pabbi geta líka gist í uppábúinni gistingu og krakkarnir tjaldað rétt hjá. Ævintýri og slökun fyrir alla.

Hentar Þórsmörk fyrir stutta fjölskylduferð?

Já, margar fjölskyldur koma í Þórsmörk í eina eða tvær nætur. Þá gefst góður tími til að fara í gönguferðir, njóta náttúrunnar og slaka á í einstöku umhverfi.

Er matur í boði í Þórsmörk?

Í Volcano Huts er veitingasalur þar sem boðið er upp á kvöldmat, súpur og morgunverð. Það er notalegt að koma saman eftir dag af ævintýrum og njóta góðs matar. Einnig er hægt að hafa með sér mat og elda í smalahúsunum og litlu gestaeldhúsi. Eldunaraðstaða er þó frekar frumstæð og við mælum með að nota veitingasöluna.

Er eitthvað til að gera á kvöldin í Þórsmörk?

Á kvöldin myndast oft skemmtileg útilegustemning í Volcano Huts þar sem gestir safnast saman við varðeld, segja sögur dagsins og grilla sykurpúða.

Hvenær er best að fara í Þórsmörk með fjölskylduna?

Sumarið er frábær tími til að heimsækja Þórsmörk með fjölskyldunni, sérstaklega frá júní til ágúst þegar veður er mildara, gönguleiðir eru opnar og dagsbirtan löng. Svo er líka enginn skóli og öll námskeið í bænum uppbókuð!