Opnað hefur verið fyrir skárningu í hlaupið hér á Hlaup.is

12 km

Skráningar til 30.júní: kr. 7.900

Skráningar frá 1.júlí - 7.september: kr. 8.900

Skráningar frá 8.september - 10. september: kr. 12.900

4,5 km

Skráningar til 30.júní: kr. 2.900

Skráningar frá 1.júlí - 7.september: kr. 3.400

Skráningar frá 8.september - 10. september: kr. 3.900

Lokað verður fyrir skráningar kl 12:00 þann 10. September.

Hámarksfjöldi í 12 km hlaupið er 500 manns.

Innifalið í þátttökugjaldi er tímatökuflaga, aðgangur að sturtum, gufubaði og baðlaug eftir hlaupið

12km Þórsgata: Ræsing 10. september 2022, kl. 13:00 við skála Volcano Huts í Húsadal í Þórsmörk. Hlaupið endar á sama stað. 

4,5 km Valahnúkur: Ræsing 10. september 2022 kl 13:15 við skála Volcano Huts í Húsadal í Þórsmörk. Hlaupið endar á sama stað. 

Leiðin: Hlaupið er inn Húsadalinn áleiðis upp Laugaveginn. Þegar komið er upp úr Húsadal er beygt af leið til hægri í áttina að Langadal og farið af stígnum upp á Slyppugilshrygg og meðfram honum þar til stígurinn liggur niður í Slyppugilið. Þá er beygt til vinstri áleiðis að Tindfjallasléttu og svo niður Stangarháls að Stóraenda. Þaðan er hlaupið eftir Krossáraurum að Langadal og stefnan tekin upp Valahnúk (275 m hækkun) og niður aftur að vestanverðu að endamarki í Húsadal.

Hér má sjá leiðina á korti og hér má svo einnig hlaða niður GPX skrá með leiðinni.

Leiðin: Hlaupið er inn Húsadalinn og þaðan farið inn á stíg sem liggur að Langadal. Þegar komið er í Langadal þá er Haldið upp Valahnúk (275 m hækkun) og niður aftur að vestanverðu að endamarki í Húsadal. Leiðin hentar jafnt þeim sem vilja fara hratt yfir og einnig þeim sem vilja taka létt skokk eða ganga.

Hægt verður að nálgast keppnisgögn daginn fyrir hlaupið í Reykjavík þann 9. september auk þess sem hægt verður að fá keppnisgögn afhent á staðnum fyrir ræsingu.

Nánari upplýsingar um afhendingu gagna með tíma og staðsetningu verða birtar á Facebooksíðu hlaupsins þegar nær dregur.

Rútur fara frá Reykjavík laugardaginn 10. september með stoppum á leiðinni

Lagt verður af stað frá Laugardalsvelli - Aðalstúka

Stoppað verður við Rauðavatn, Hveragerði, Selfoss á Hvolsvelli, við Seljalandsfoss og við Krossá

Aukaferðir verða yfir Krossá fyrir þá sem eru á jeppum og komast þangað

Hægt er að bóka rútuferðir hér á þessari síðu

Hægt er að bóka veitingar á þessari síðu en einnig geta aðstandendur keypt mat og drykki á barnum á staðnum.

Verðlaun verða veitt fyrir þrjú fyrstu sæti karla og kvenna auk þess sem dregnir verða út vinningar.

Í stað þess að veita þátttökuverðlaun (medalíu) verður samsvarandi upphæð veitt í umhverfissjóð Volcano Trails til uppbyggingar, merkinga og viðhalds göngu- og hlaupaleiða í Þórsmörk.

Brautarverðir verða á völdum stöðum á leiðinni. Stígur er greinilegur mestan hluta leiðarinnar og brautin merkt með stikum.

Engar drykkjastöðvar verða nema í endamarki en vatn rennur í lækjum hér og þar meðfram leiðinni þar sem hægt er að fylla á brúsa.

Hlaupið er haldið af Volcano Trails í Húsadal Þórsmörk í samstarfi við Hlyn og Þórdísi hjá Hlaupár sem sjá um hlaupastjórn.

Hér geta allir tekið þátt og við hvetjum fólk til að taka fjölskylduna með. Tilvalið að taka börnin og/eða ömmu/afa með til að fara 4,5 km leiðina.

Ábendingar og fyrirspurnir er varða hlaupið sendist á [email protected]