Í júní 2025 verður haldinn styrktar- og gönguviðburðurinn GÖNGUM SAMAN ÞÓRSGÖTU í Þórsmörk. Markmið viðburðarins er að koma saman og ganga hina frábæru gönguleið Þórsgötu og safna um leið áheitum til styrktar rannsóknum á brjóstakrabbameini. Gakktu með okkur og upplifðu óviðjafnanlega náttúru Þórsmerkur um leið og þú styrkir gott málefni.
Til styrktar rannsóknum á brjóstakrabbameini
Styrktarfélagið Göngum saman hefur það að markmiði að styrkja grunnrannsóknir á brjóstakrabbameini. Frá stofnun félagsins hefur nær 150 milljónum króna verið úthlutað til íslenskra vísindamanna sem stunda slíkar rannsóknir en þær eru undirstaða þess að lækning finnist.
Göngum saman leggur áherslu á mikilvægi hreyfingar til heilsueflingar og heldur úti reglulegum göngum bæði í Reykjavík og á Akureyri félögum til heilsubótar. Hreyfing hefur einnig verið mikilvægur þáttur í fjáröflun félagsins. Til margra ára stóð félagið fyrir fjáröflunargöngum á landsvísu og undanfarin ár hafa hlauparar í Reykjavíkurmaraþoninu safnað áheitum til styrktar Göngum saman. Þá er ótalið framlag Volcano Trails sem stendur nú í þriðja sinn fyrir fjáröflunargöngu í samvinnu við Göngum saman. Megináhersla hefur ávallt verið á að öll framlög einstaklinga renni óskipt í styrktarsjóðinn.
Það er okkur sannarlega mikils virði að taka þátt í þessum viðburði með Volcano Trails í Þórsmörk, fá að njóta fallegrar náttúru undir góðri leiðsögn og safna fé í styrktarsjóðinn í leiðinni.
Nánari upplýsingar um Göngum saman á vefsíðu félagsins gongumsaman.is
Linda Björk Ólafsdóttir
Formaður Göngum saman
Ein fallegasta gönguleið Íslands
Þórsgatan er gönguleið sem liggur hring umhverfis alla Þórsmörk og þann 8. júní verður boðið upp á tvær útgáfur af leiðinni sem liggja báðar eftir vinsælustu áföngum Þórsgötu.
Tindfjallahringurinn er 12 km og fremur krefjandi með bröttum köflum og nokkurri hækkun en Merkurhringurinn er um 6 km fremur létt leið með aflíðandi brekkum og auðvelt að stytta leiðina frekar ef þörf krefur. Fyrir þá sem vilja jafnvel enn styttri útgáfu er lítið mál að rölta um á flatlendi og njóta útsýnisins við Húsadal eða ganga yfir í Langadal og mæta öðru göngufólki þar.
Boðið verður upp á rútuferðir alla helgina
Boðið verður upp á rútuferðir í tengslum við Göngum saman alla helgina. Þegar þú hefur lokið skráningu í viðburðinn sjálfan hér að ofan getur þú valið um tvo möguleika til að komast í Húsadal. Annarsvegar verður hægt að taka rútu alla leið frá Reykjavík, Selfossi, Hellu og Hvolsvelli en hinsvegar verður boðið upp á ferðir yfir Krossá fyrir þá sem eru á sínum eigin jeppa og komast alla leið að ánni. Smelltu á viðeigandi hlekk hér í textanum til að bóka.
Fjölbreyttir gistimöguleikar eru í boði í Húsadal
Tilvalið er að lengja dvölina í Þórsmörk og gista í Húsadal. Hægt er að velja gistingu í lúxus glamping tjöldum, smáhýsum og tveggja manna herbergjum. Gerðu meira úr helginni og bókaðu gistingu í Húsadal með því að smella hér.
Þú þarft ekkert að taka með þér!
Boðið verður upp á grillaða hamborgara eftir gönguna sem hægt er að bóka um leið og þú skráir þig til þátttöku. Veitingastaðurinn okkar í Húsadal er opinn alla helgina þar sem boðið er upp á morgunverð, hádegisverð, kvöldverðarhlaðborð, léttar veitingar yfir daginn auk þess sem hægt er að fá drykki afgreidda á barnum. Nánari upplýsingar um veitingastaðinn og matseðilinn er hægt að skoða hér.
Þú getur safnað áheitum og fyrir Göngum saman. Sendu okkur tölvupóst á [email protected] með nafni hóps eða einstaklings ásamt mynd og stuttri lýsingu og við bætum ykkur á listann.
Sá sem safnar mestu fé fær fyrir málstaðinn verðlaun í formi gjafabréfs fyrir tvo í Glamping gistingu í Húsadal Þórsmörk. Einnig er hægt að millifæra inn á reikning Göngum saman - sjá reikningsupplýsingar hér neðar á síðunni.
Fös 7. júní 2024
7:00 Rútuferð frá Reykjavík fyrir þá sem vilja taka forskot á sæluna og gista í Húsadal
Lau 8. júní 2024
11:00 GÖNGUM SAMAN Í ÞÓRSMÖRK - Lagt af stað
*ATH allur hópurinn leggur saman af stað en svo skilja leiðir
Ferðafélag Íslands býður göngufólki að nota salernisaðstöðu og fylla á vatnsbrúsa við Skagfjörðsskála í Langadal
15:30 Veitingasala og fögnuður í Húsadal - Afhending áheita.
Rútuferðir úr Þórsmörk
Boðið verður upp á kvöldverð og kvöldvöku á veitingastaðnum í Húsadal fyrir þá sem ætla að gista og fara heim á sunndudag.
Sun 9. júní 2024
08:00 - 10:00 Morgunverður og létt morgunganga
16:00 Rúta leggur af stað og ekur alla leið til Reykjavíkur með stoppum á leiðinni.
Skráning í viðburðinn kostar kr. 6.500 en Volcano Trails bætir við kr. 1.500 með hverjum þátttakenda svo að þitt framlag verður samtals kr. 7.500. Skráningargjöld renna óskipt í Rannsóknarsjóð GÖNGUM SAMAN.
Öllum er frjálst að styðja verkefnið. Hægt er að safna áheitum með því að fá vini, ættingja og fyrirtæki til að heita á sig fyrir að taka þátt. Í því tilfelli má senda tölvupóst á netfangið [email protected] með nafni, mynd og stuttri lýsingu. Nafn þitt eða hópsins verður þá sett upp á listann og áhugasamir geta þá heitið á þig til styrktar góðu málefni. Hægt er að greiða áheit með greiðslukortum eða með millifærslu á reikning GÖNGUM SAMAN með nafn þess sem heitið er á í skýringu. Sá sem safnar mestu fé fær verðlaun í formi gjafabréfs fyrir tvo í Glamping gistingu í Húsadal Þórsmörk.
Reikningsnúmer Göngum Saman
301-13-304524
Kt. 650907-1750
Hægt er að bóka gistingu bæði á föstudag og laugardag fyrir þá sem vilja. Hægt er að velja milli gistingar í tveggja manna herbergjum, smáhýsum og fjallaskálum en einnig er hægt að tjalda. Hægt er að greiða fyrir tjaldstæði á staðnum og ekki þarf að bóka það fyrirfram.
Rútuferðir verða í boði frá BSÍ, Olís við Rauðavatn, Selfossi, Hvolsvelli, Krossá á laugardag
Hér er hægt að skoða upplýsingar um það hvernig þú kemst með bíl að Krossá
Rútuferðir á öðrum degi:
Hér er hægt að bóka rútumiðar á föstudag og sunnudag
Boðið verður upp á tvær útgáfur gönguferða á laugardeginum af mismunandi erfiðleikagráðu.
Auðvelt er að stytta eða lengja hvora leið fyrir sig og sníða gönguna að getu hvers og eins. Hér er hægt að skoða lýsingar á gönguleiðunum.
Veitingastaður Volcano Huts er opinn alla helgina og hægt að fá þar morgunverð, kvöldverð, hamborgaramáltíðir, nestispakka og drykki á barnum.
Boðið verður upp á létta máltíð eftir gönguna og hægt er að bóka hana við skráningu.
Hér er hægt að sjá nánari upplýsingar um þjónustu veitingastaðarins.
419 4000